Yolanda Blanco Fernández

Breve CV

Enxeñeira de Telecomunicación pola Universidade de Vigo en 2003 e Doutora pola mesma Universidade en 2007. Desde 2021 é profesora Titular de Universidade no Departamento de Enxeñería Telemática. As súas principais liñas de investigación relaciónanse coa personalización e os sistemas recomendadores (técnicas de modelado de usuario e estratexias de filtrado), Web 2.0 (minería de datos en redes sociais), Web Semántica (procesos de razoamento semántico e estruturas de representación de coñecemento), Deep Learning (redes neuronais profundas e procesado de linguaxe natural) e desenvolvemento de servizos e aplicacións para redes ad-hoc móbiles (redes esporádicas, mecanismos de virtualización e modelos de servizo XaaS para a compartición de recursos entre nodos móbiles). Ten tres quinquenios e tres sexenios recoñecidos, ten codirigido 5 teses doutora e participado en máis de 30 proxectos de convocatorias competitivas de ámbito nacional e europeo, sendo coautora de 185 publicacións nas que se inclúen conferencias nacionais e internacionais, capítulos de libro e revistas JCR (IEEE Transactions on Vehicular Technology, Journal of Computational Science, Expert Systems with Applications, Information Sciences, IEEE Transactions on Consumer Electronics).